Thomas Pieters sló í bakið á kærustunni sinni
Þrátt fyrir góðan árangur um síðustu helgi á Opna Genesis mótinu, þá þurfti Thomas Pieters að biðjast afsökunar vegna eins af höggum sínum.
Pieters, sem sló í gegn síðasta haust í Ryder Bikarnum, missti eitt af drævum sínum út til hægri og endaði það í áhorfendahóp þar sem boltinn fór í bakið á einum áhorfenda. Áhorfandinn reyndist vera kærastan hans.
Sem betur fer meiddist hún ekkert og gat hún hlegið að þessu með kærasta sínum þegar hann kom yfir til hennar að biðjast afsökunar.
