Myndskeið: Snappy Gilmore sveiflan
Kvöld eitt ákvað hinn rúmlega tvítugi Eliezer Paul-Gindiri að slást í hóp með félögum sínum er þeir voru á leið á æfingasvæði Diablo Creek golfvallarins í Concord í Kaliforníu. Hann hafði aldrei áður haldið á golfkylfu og honum fannst sveiflan í hreinskilni sagt frekar flókin eins og hún var kynnt fyrir honum. Hann var þá hvattur til að sveifla með sínu nefi, sem hann og gerði.
Ekki datt honum í hug að tæpu ári seinna myndi fólk hafa horft á myndskeið af hans einstöku sveiflu í á annan tug milljón skipta. Það er þó hins vegar raunin og Snappy Gilmore er orðinn samfélagsmiðlastjarna.
En hvað er svona sérstakt við heimatilbúna golfsveiflu þessa óvænta áhrifavalds?
Sjón er sögu ríkari:
"I never thought I would be playing golf."
— PGA TOUR (@PGATOUR) February 14, 2022
The story behind @_SnappyGilmore's one-of-a-kind swing 🤯 pic.twitter.com/O84hd6UAhl
Það skal ósagt látið hvort þessi sveifla henti hinum almenna áhugakylfingi úti á velli en í öllu falli er hún afskaplega skemmtileg og ótrúlega áhugaverð - alveg hreint mögnuð.
