Public deli
Public deli

Fréttir

Stal senunni fra Ryder leikmönnum á Wentworth
Páll Ketilsson
Páll Ketilsson skrifar
mánudaginn 18. september 2023 kl. 10:59

Stal senunni fra Ryder leikmönnum á Wentworth

Ryan Fox fry Nýja Sjálandi gerði sér lítið fyrir og vann einn stærsta titilinn á DP Evrópumótaröðinni þegar hann vann BMW mótið á Wentworth vellinum í Englandi sem lauk í gær. Fox skildi alla Ryder stjörnur Evrópu fyrir aftan sig en hann þurfti fugl á síðustu flötinni til að tryggja sér sigur. Þriggja metra pútt rann ljúft í holu eftir vel heppnað innáhögg af hundrað metra færi.

Sviðsljósið beindist mikið að tólf Evrópu kylfingum sem skipa Ryder liðið að þessu sinni. Þeir voru margir í toppbaráttunni og tveir þeirra, Tyrell Hatton og Jon Rahm ásamt Englendingunum Ra, önduðu ofan í hálsmálið á honum og enduðu höggi á eftir honum. Sjö þeirra voru meðal tíu efst. Ludvig Åberg frá Svíþjóð var í forystu fyrir lokadaginn en náði ekki að fylgja eftir góðri frammistöðu dagana á undan og átti slakan dag.

Það leit fátt út fyrir að Fox væri að blanda sér í toppbaráttuna í upphafi lokahringsins en hann fékk þrefaldan skolla á þriðju holu. Hann fékk síðan átta fugla á næstu fimmtán brautum sem skilaði honum sigri á mótinu. 

Örninn sumar 2024
Örninn sumar 2024

Sigrar og sorgir hafa einkennt árið hjá hinum geðþekka Fox og margt annað en golf fengið athygli. Lítil dama kom í heiminn hjá fjölskyldunni í vor og á svipuðum tíma greindust báðir tengdaforeldrar hans með krabbamein. Tengdafaðir, sem var á sínum yngri árum fyrirliði krikketsliðs Nýja Sjánds, lést eftir skammvinna baráttu við sjúkdóminn. 

Næsta mót á DP Evrópumótaröðinni er á hinum sögufræga Le National í París en vikuna á eftir munu öll augu heimsbyggðarinnar beinast að Róm í Ítalíu þar sem Ryder bikarinn fer fram. Luke Donald, einvaldur Evrópuliðsins getur verið ánægður með leikform sinna manna því þeir léku flestir vel í þessu móti. 

Lokastaðan. 

Tyrell Hatton var með fjögurra högga forskot um tíma á lokahringnum. Hann setti pressu á Fox á lokaholunni þegar hann fékk fugl.

Eitt af höggum mótsins átti Fox kom úr skógarjaðrinum kom á 15. holu.