Sigurður Arnar lék best á þriðja mótinu í Póllandi
Sigurður Arnar Garðarsson lék best Íslendinganna á þriðja mótinu í vormótaröð Ecco á Nordic mótaröðinni á Sand Valley golfvellinum í Póllandi. Sigurður endaði jafn í 15. sæti á tveimur höggum undir pari.
Bjarki Pétursson og Aron Snær Júlíusson voru næstir íslensku kylfinganna, en þeir enduðu jafnir í 15. sæti á einu höggi undir pari. Andri Þór Björnsson varð í 51. sæti á +6 eftir að hafa byrjað mótið mjög vel á 67 höggum en honum gekk ekki eins vel í næstu tveimur hringjum sem hann lék á 75 og 77.
Þrír kylfingar komust ekki í gegnum niðurskurðinn.
Axel Bóasson var í 3. og 2. sæti í fyrsta og öðru mótinu en hann náði sér ekki á strik í þriðja mótinu og komst ekki í gegnum niðurskurðinn á +2.
Ísak Steinarsson lék 36 holurnar á +3,
Hákon Örn Magnússon á +4,
Svanberg Stefánsson á +6,
Ragnar Garðarsson á +12.
Íslendingurinn Aron Bergsson var á +3 en hann er búsettur í Svíþjóð.
Axel er efstur Íslendinganna á stigalistanum, er í 13. sæti með 9850 stig eftir 5 mót. Sigurður Arnar Garðarsson er í 53. sæti með 1525 stig.