Sigur í bráðabana á RBC Heritage
Matt Fitzpatrick sigraði á RBC Heritage mótinu í gær sem leikið var á Hilton Head í Suður Karólínu. Fitzpatrick og sigurvegari síðasta árs Jordan Spieth áttust við í griðarlega spennandi bráðabana.
Spieth virtist eiga sigurinn vísan þegar nokkrar holur voru eftir en Fitzpatrick náði að knýja fram bráðabana. Bráðabaninn byrjaði á 18. holu þar sem Spieth komst í gott fuglafæri en holan féll á pari. Næst var farið á þá 17., þar sem báðir leikmenn settu uppað stöng, Spieth þó ívið nær. Báðir klikkuðu á púttunum og því var haldið á þá 18. á ný. Eftir tvö frábær teighögg sló Fitzpatrick á undan og setti boltann 20 sentimetra frá holu með 9 járni og fuglinn gefinn. Spieth tókst ekki að ná í fugl þar sem innáhögg hans lenti illa og endaði um 10 metra frá holunni. Gríðarlega spennandi endir á frábæru golfmóti.
Þeir félagar enduðu 72 holurnar á 17 höggum undir pari. Patrick Cantlay varð í 3. sæti á -16.
Fitzpatrick hefur rækilega stimplað sig inn á síðustu árum og vann sinn fyrsta risatitil á síðasta ári þegar hann vann Opna bandaríska mótið. Með sigrinum á RBC komst hann í 8. sæti heimslistans.
Matt Fitzpatrick var himinlifandi í leikslok enda átt sér þann draum frá því hann var ungur strákur að sigra einmitt þetta mót, þar sem fjölskylda hans fór iðulega í sumarfrá frá Sheffield á Engalndi til Hilton Head. FRábær sigur hjá Englendingnum sem færðist upp í 22. sæti á Fedex listanum með þessum sigri.
What. A. Shot.
👏@MattFitz94 nearly holes it for the win on the third playoff hole. pic.twitter.com/hIhOz9owmX
BRUTAL.@JordanSpieth had this putt to win.
Spieth and Fitzpatrick will play on @RBC_Heritage. pic.twitter.com/tAD8FVQhNk