Ko heldur forystunni í New Jersey
Lokahringur Cognizant Founders Cup er fram undan í kvöld í New Jersey.
Jin Young Ko tók forystuna strax á fyrsta degi og hefur ekki látið hana af hendi síðan. Ko er á 13 höggum undir pari og hefur fjögur högg í forskot á næstu kylfinga.
Jafnar í öðru sæti eru Elizabeth Szokol, Yuka Saso, Lindsey Weaver og Se Yeon Ryu á 9 höggum undir pari.
Efsta kona heimslistans Nelly Korda er svo á meðal kylfinga sem koma næstar þar á eftir á 7 höggum undir pari.
