Axel í 2. sæti í Póllandi
Axel Bóasson varð í 2. sæti á öðru mótinu af þremur á Sand Valley golfvellinum í Póllandi en hann varð þriðji í fyrsta mótinu. Axel endaði á ellefu höggum undir pari og lék hringina á 67, 67 og 71 höggi.
Bjarki Pétursson lék næst best íslensku kylfinganna og endaði jafn í 31. sæti í einu höggi undir pari.
Hákon Örn Magnússon lék hringina þrjá á pari.
Aðrir komust ekki í gegnum niðurskurðinn.
Andri Þór Björnsson og Sigurður Arnar Grétarsson léku báðir á pari, Aron Snær Júlíusson og Ragnar Garðarsson voru á +2 og Daníel Ísak Steinarsson á +3. Svanberg Stefánsson endaði á +9. Aron Bergsson sem leikur fyrir sænska klúbbinn Hills var á þremur yfir pari.
Þriðja mótið í þessari vormótaröð í Póllandi hefst á morgun 17. apríl og verða leiknar 54 holur.
