Þarft ekki alltaf að spila þitt besta golf til að sigra

„Þú þarft ekki alltaf að spila þitt besta golf til að sigra á golfmóti. Það er mikilvægt að meðtaka og sætta sig við og halda áfram, sama hvað gerist,“ sagði Bandaríkjamaðurinn J.J. Spaun, en hann sigraði á Valero Texas mótinu á PGA mótaröðinni um liðna helgi.

J.J. Spaun var nær óþekktur kylfingur á mótaröðinni þangað til hann sigraði á Opna bandaríska mótinu í fyrra. Hann hefur ekki leikið vel það sem af er nýju golfári en stundum smella hlutirnir bara.

Spaun sigraði í fyrsta sinn á ferlinum á þessum velli, Oaks vellinum í San Antonio í Texas árið 2022 og hann sagði að það hafi komið sér vel núna.

Skotinn Robert Mcintyre hafði möguleika í síðasta holli að ná Spaun en þurfti að fá fugl á lokaholuna sem honum tókst ekki.

M. Kim endaði jafn í 2. sæti með Skotanum sem og Englendingurinn Matt Wallace sem var með forystu í klúbbhúsi þangað til Spaun kláraði höggi betri en þeir áttu báðir nánast eins vipp inn á lokaflötina.

Framundan er eitti stærsta og skemmtilegast mót ársins, Masters 2026.