Misjafnt gengi strákanna á Spáni
Guðmundur Ágúst Kristjánsson og Haraldur Franklín Magnus hófu í dag leik á Emporada Challenge mótinu á Áskorendamótaröð Evrópu.
Þeir freista þess að komast í hóp 45 efstu á stigalista mótaraðarinnar fyrir lokamótið sem fram fer í nóvember.
Haraldur er sem stendur í 50. sæti stigalistans og Guðmundur í því 89. Þeir þurfa því á góðri frammistöðu að halda þar sem aðeins eitt mót til viðbótar er leikið áður en að lokamótinu kemur.
Haraldur lék vel í dag og endaði á 68 höggum eða 3 höggum undir pari það skilar honum í 22. sæti mótsins eins og er.
Guðmundur lék á 73 höggum í dag og er í 86. sæti mótsins eftir fyrsta hring.