Martin Hermannsson fór holu í höggi á Leirdalsvelli

Einn besti körfuboltamaður landsins, Martin Hermannsson, fór holu í höggi í dag á Leirdalsvelli hjá GKG.

Martin, sem leikur með þýska liðinu Alba Berlin, fór holu í höggi á 17. holu Leirdalsvallar þar sem hann var í holli með félögum sínum úr körfuboltanum, Elvari Friðrikssyni og Trausta Eiríkssyni.

Í samtali við Kylfing sagði Martin að það hefði verið einstök tilfinning að ná draumahögginu en þetta er í fyrsta skiptið sem hann fer holu í höggi.