Gríðarlega spennandi lokadagur fram undan á lokamóti LPGA
Mikil spenna er fyrir lokahringinn á CME Group Tour Championship mótinu í Flórída. Barist er um sigur á mótinu annars vegar og sigurinn á stigalista mótaraðarinnar hins vegar.
Nelly Korda, Jin Young Ko, Celine Boutier og Nasa Hataoka eru allar á 14 höggum undir pari og deila forystunni.
Gaby Lopez og Mina Harigae koma næstar höggi á eftir. Nanna Koertz Madsen, Lexi Thompson og Meghan Kang eru svo allar höggi þar á eftir.
Nelly Korda og Jin Young Ko berjast hart um stigameistaratitilinn. Ko fékk sjö fugla í röð á hringnum í gær en kólnaði svo á seinni níu sem gaf Korda tækifæri á að jafna sem hún gerði með erni á 17. brautinni.
Are you kidding?! 🤯@NellyKorda eagles 17 to take a share of the lead at the @CMEGroupLPGA 👏 pic.twitter.com/Yqeau1Yjv6