Evrópukonur sterkari á lokadeginum og unnu Solheim bikarinn

Hin spænska Carlota Ciganda tryggði Evrópu sigur þegar liðið sigraði Bandaríkin 15–13 í tuttugasta Solheim-bikarnum sem fram fór á Bernardus golfvellinum í Hollandi og lauk í dag. Keppnin var æsispennandi en þær evrópsku voru sterkari á lokadeginum og tryggðu sér sigur.

Staðan var jöfn fyrir lokahringinn en Evrópa tók völdin í tvímenningnum á sunnudag og vann sjö stig af tólf– besti árangur liðsins á lokadegi síðan 2013. Með sigrinum ver Evrópa bikarinn á heimavelli og eykur forskot sitt í viðureignum sem spilaðar eru í Evrópu í 6–3–1.

Þetta var einnig í sjöunda sinn sem staðan var jöfn í Solheim-bikarnum fyrir lokahringinn. Í öll skiptin hefur heimaliðið sigrað eða varið titilinn, en eina jafnteflið kom árið 2023 á Spáni.

Ciganda tryggði sigurinn

Carlota Ciganda tryggði sigurinn með 4&2 sigri á Jennifer Kupcho, sem hafði staðið sig vel fyrir Bandaríkin fyrr í vikunni.

Með þessum úrslitum verður Ciganda aðeins annar leikmaðurinn í sögu Solheim-bikarsins til að tryggja sigurinn tvisvar, á eftir Catrionu Matthew, sem tryggði Evrópu sigur árin 2003 og 2013.

Grant leiddi sókn Evrópu

Linn Grant var framúrskarandi leikmaður Evrópu og vann alla fjóra leiki sína í vikunni. Fullkominn árangur hennar, 4–0–0, er sérstaklega eftirtektarverður eftir að hún tapaði öllum sínum leikjum, 0–4–0, í Solheim-bikarnum 2024.

Grant er fyrsti leikmaðurinn í sögu Solheim-bikarsins til að vinna sér inn að minnsta kosti fjögur stig eftir að hafa ekki unnið nein stig í síðustu keppni.

Nýliðaval Önnu Nordqvist, fyrirliða, hafði einnig mikil áhrif. Nastasia Nadaud lauk keppni með 3–1–0 árangur og þær Mimi Rhodes urðu fyrsta nýliðaparið í sögu Solheim-bikarsins til að vinna tvo leiki saman.

Bandaríkin börðust til loka

Alison Lee lék best hjá þeim bandarísku. Hún náði 4–0–0 árangri, þar á meðal tveimur sigrum á hinu sterka evrópska pari, Charley Hull og Lottie Woad.

Lee stóð einnig fyrir stærstu endurkomu í skráðri sögu Solheim-bikarsins þegar hún vann upp fjögurra holu forskot og sigraði Esther Henseleit í tvímenningnum. Hún varð fyrsti leikmaðurinn í sögu Solheim-bikarsins til að ná 4–0–0 árangri eða betur fyrir tapliðið.

Hull og Woad svöruðu fyrir sig í tvímenningnum á sunnudag eftir að hafa ekki unnið leik í umferðunum á undan. Þær unnu sína leiki og komust þannig hjá því að verða fyrstu leikmennirnir til að fara sigurlausir í gegnum fimm leikjahluta í sögu Solheim-bikarsins.

ÚRSLIT:

Charley Hull 2&1 gegn Megan Khang

Alison Lee 1UP gegn Esther Henseleit

Linn Grant 4&3 gegn Angel Yin

Nelly Korda 4&2 gegn Mimi Rhodes

Nanna Koerstz Madsen 2&1 gegn Allisen Corpuz

Nastasia Nadaud 3&2 gegn Andrea Lee

Julia López Ramírez 3&2 gegn Yealimi Noh

Lottie Woad 2&1 gegn Auston Kim

Lauren Coughlin 2&1 gegn Leona Maguire

Lindy Duncan 4&2 gegn Maja Stark

Carlota Ciganda 4&2 gegn Jennifer Kupcho