Böðvar Bragi leiðir - setti nýtt vallarmet
Böðvar Bragi Pálsson úr GR er með forystu á Íslandsmótinu sem fram fer á Hólmsvelli í Leiru. Böðvar setti nýtt vallarmet á öðrum hring þegar hann .ék á sjö höggum undir pari, 64 höggum.
Böðvar fékk níu fugla á hringnum og lék síðustu sex brautirnar á fimm undir pari. Hann er á tíu höggum undir pari eftir 36 holur. Aron Snær Júlíusson úr GKG er í öðru sæti, höggi á eftir Böðvari. Hann lék á 68 höggum í dag en hann var í forystu eftir gærdaginn á sex undir pari ásamt Sigurði Arnari Garðarssyni sem er jafn í 3. sæti með Hákoni Erni Magnússyni.
Viðtöl munu koma á kylfingur.is í fyrramálið.
