Pursue Iceland besti aðilinn fyrir golfferðir til Íslands
Pursue Iceland (áður Iceland Golf Travel) hlaut útnefninguna „Best Inbound Golf Tour Operator 2025“ hjá World Golf Awards, einni virtustu viðurkenningu golf- og ferðaþjónustunnar á alþjóðavísu. Pursue Iceland hefur á skömmum tíma fest sig í sessi sem leiðandi aðili fyrir golfferðir til Íslands. Fyrirtækið býður upp á ferðir sem sameina hágæða golf, íslenska náttúru og persónulega þjónustu sem tryggir kylfingum einstaka upplifun.
„Þetta er stór áfangi fyrir fyrirtækið og staðfesting á vandaðri uppbyggingu og framúrskarandi þjónustu sem Pursue Iceland hefur lagt upp með síðustu ár,“ segir Brynjar Benediktsson, framkvæmdastjóri Pursue Iceland.
World Golf Awards heiðra þá aðila sem skara fram úr í golfferðum, gæði upplifana og faglegri þjónustu. Verðlaunin byggja á atkvæðum bæði fagaðila og ferðalanga sem meta upplifun sína á golfferðum um allan heim.
Á sama tíma hefur Pursue Iceland sameinað rekstur Iceland Golf Travel og Iceland Soccer Travel undir einu sterku vörumerki. Með þessu sameinar fyrirtækið golf- og íþróttaferðir í eina heild, að sögn Brynjar, sem gerir Pursue Iceland betur í stakk búið til að sinna fjölbreyttum hópum, allt frá golfhópum yfir í fótboltalið og aðra íþróttahópa.
Á vefsíðu Pursue Icland er frábært innslag (sjá hér að neðan) frá heimsókn erlends hóps þar sem leikið er golf í Vestmannaeyjum, Keili, Korpu og í Brautarholti en kylfingarnir sem voru í hópnum telja fyrstu brautina í Brautarholti eina bestu upphafsbraut í heimi.
