LPGA: Minjee Lee leiðir eftir tvo hringi
Að tveimur hringjum loknum á Hugel-Air Premia LA Open mótinu á LPGA mótaröðinni er það Minjee Lee sem fer með forystu. Hún hefur leikið hringina tvo á samtals 7 höggum undir pari og er einu höggi á undan næstu kylfingum.
Lee lék hringinn í gær á tveimur höggum undir pari þar sem hún fékk einn örn, tvo fugla og tvo skolla. Í 2. sæti er hin danska Nanna Koerstz Madsen á samtals 6 höggum undir pari. Hringinn í gær lék hún á fjórum höggum undir pari þar sem hún fékk sex fugla, tvo skolla og restin pör.
Tvær eru jafnar í 3. sæti á samtals 5 höggum undir pari. Það eru þær Morgan Pressel og Gaby Lopez.
Rúnar Arnórsson
[email protected]
