Hrönn og Grettir best í Eyjum - styttist í mót ársins
Hjóna- og parakeppni GV og Golfsaga fór fram um helgina. 180 keppendur tóku þátt við góðar aðstæður og gott veður á seinni keppnisdegi. Sigurvegarar voru þau Hrönn Harðardóttir og Grettir Ingi Guðmundsson en þau léku glæsilegt golf á 19 höggum undir sinni forgjöf.
Verðlaun voru glæsileg, efstu 5 sætin, nándarverðlaun og útdráttarverðlaun.
Mótið var haldið í samvinnu við Golfsaga Aventura og fjölmarga aðra styrktaraðila.
Nú styttist í stærsta mót ársins, Íslandsmótið í höggleik en það fer fram í Eyjum 4.-7. ágúst nk. Völlurinn er í mjög góðu standi og flestir af bestu kylfingum landsins í karla- og kvennaflokki munu berast um titilinn. Uppbókað er í mótið í báðum flokkum.
