Bubba og DJ meðal efstu manna eftir fyrsta hring á Saudi International
Ítalinn Matteo Manassero var með tveggja högga forskot eftir fyrsta hring á PIF Saudi International á Royal Greens Golf and Country Club. Hann kom inn á 62 höggum eða 8 höggum undir pari. Bandaríkjamennirnir Bubba Watson og Dustin Johnson, sem á titil að verja, voru meðal efstu manna eftir hringinn.
Annar hringur hófst í morgun og enn eiga margir kylfingar eftir að skila sér í hús en Bandaríkjamaðurinn Harold Varner III er með tveggja högga forskot sem stendur á 10 höggum undir pari.
