Nesklúbburinn sigraði í 2. deild kvenna
Íslandsmót golfklúbba í 2. deild kvenna fór fram á Bárarvelli í Grundarfirði dagana 23.-25. júlí.
Alls tóku 6 golfklúbba þátt og var leikið í einum riðli þar sem að öll liðin mættust.
Nesklúbburinn og Golfklúbbur Fjallabyggðar léku hreinan úrslitaleik í lokaumferðinni um hvort liðið færi upp í efstu deild.
Fyrir leikinn höfðu báðir klúbbar unnið alla sína leiki.Nesklúbburinn hafði betur og tryggði sér sæti í efstu deild 2022.
Sveit Nesklúbbsins skipuðu: Hulda Bjarnadóttir, Karlotta Einarsdóttir, Helga Kristín Gunnlaugsdóttir, Ragna Krístín Guðbrandsdóttir og Elsa Nielsen.