Mitchell frábær í Las Vegas
Keith Mitchell er að leika stórkostlegt golf á The CJ Cup í Las Vegas. Eftir tvo hringi er hann samtals á 18 höggum undir pari og með 5 högga forskot á næstu menn.
Mitchell lék fyrsta hringinn á 62 höggum, hans lægsta skor á PGA mótaröðinni. Hann fylgdi því svo eftir með að leika annan hringinn á 64 höggum.
Næstu menn eru á 13 höggum undir pari eftir hringina tvo. Jordan Spieth, Harry Higgs, Adam Scott og Seonghyeong Kim.
Robert Streb sem lék stórkostlega á fyrsta hringum þegar hann var á 11 höggum undir pari féll niður í 8. sæti eftir að hafa leikið annan hringinn á pari.
Abraham Ancer átti sannkallað draumahögg á öðrum hringnum þegar hann fékk albatross á 14. brautinni sem er par 5.