Danir öflugir á fyrsta degi OPNA mótsins í N-Írlandi
Daninn örfhenti og nýliði meðal þeirra bestu í golfi, Jacob Skov Olesen, er meðal fimm kylfinga sem leiða eftir fyrsta daginn á OPNA mótinu á Royal Portrush vellinum í Norður Írlandi. Hinir dönsku Hojgaard tvíburar eru jafnir í 10. sæti og fjórði Daninn, John Axelsen er í 20. sæti. Danski fáninn blaktir vel í hópi bestu kylfinga á OPNA mótinu.
Olesen sigraði á Opna breska áhugamanna í fyrra en gerðist atvinnumaður eftir úrtökumótin í nóvember 2024. Hann hefur verið vaxandi í heimi atvinnumanna og er nú í hópi forystusauða á elsta móti heims.
Sigurvegarinn á Opna bandaríska mótinu, Englendingurinn Matt Fitzpatrick er í hópnum og líka Kínverjinn LI Haotong, S-Afríku maðurinn Christian Bezuidenhout og Bandaríkjamaðurinn Harris English, allir á fjórum undir pari.
Höggi á eftir eru fjórir kylfingar, m.a. besti kylfingur heims, Scottie Scheffler. Næst besti kylfingur heims, N-Írinn Rory McIlroy er á -1 eftir frekar skrautlegan hring.
Það má því búast við fjöri og baráttu eftir silfurkönnunni næstu þrjá daga.
Rory gerði marga flotta hluti en líka slatta af mistökum.
Rory escapes trouble on 17. He takes a birdie heading onto 18. pic.twitter.com/QmplsgkTl3
Scottie Scheffler lék flott golf í dag og er á -3.
Scottie heads to the last with back-to-back birdies. pic.twitter.com/NzbHjnllQi
