Þrjár efstar og jafnar á Carnoustie
Fyrsta hring á Opna breska kvennamótinu er nú að ljúka á Carnoustie.
Þrír kylfingar eru jafnir í efsta sæti á 5 höggum undir pari. Efsta kona heimslistans Nelly Korda, Madelene Sagström frá Svíþjóð og hin Suður kóreska Sei Young Kim. Hópur kylfinga kemur svo þar á eftir á 4 og 3 höggum undir pari.
Almennt var skorið gott í dag og tæplega 70 kylfingar léku hinn erfiða Carnoustie völl á pari eða betur.
Á meðal þeirra kylfinga sem eru höggi á eftir efstu konum er hin skoska Louise Duncan sem sigraði Jóhönnu Leu Lúðvíksdóttur í úrslitum Opna breska áhugamannamótsins fyrr í sumar. Frábærlega spilað hjá henni en áhugakylfingur hefur ekki sigrað á mótinu síðan 1982.
Sophia Popov sigurvegarinn í fyrra lék hring dagsins á sléttu pari. Hér að neðan má sjá skemmtilegt myndband með meistara síðasta árs.