Perla Sól í 6. sæti á Englandi
Helga Signý Pálsdóttir einnig meðal keppenda
Perla Sól Sigurbrandsdóttir hafnaði í 6. sæti á sterku áhugamannamóti sem fram fór á Enville golfsvæðinu skammt frá Birmingham á Englandi. Alls tóku 90 keppendur þátt sem komu víðsvegar að.
Perla Sól var á meðal 10 efstu alla þrjá keppnishringina en hún lék á 227 höggum (77-75-75) eða á 11 höggum yfir pari vallarins.
Það má sjá svipmyndir af lokadegi mótsins hér að neðan. Umfjöllun um Perlu Sól hefst á 02:19.
Helga Signý Pálsdóttir var einnig á meðal þáttakenda á mótinu. Helga Signý lék á 259 höggum (87-88-84) eða á 43 höggum yfir pari og hafnaði í 77. sæti. Þær stöllur eru báðar úr GR og hafa verið í fremstu röð í sínum aldursflokki undanfarið.
Gracel Crawford frá Skotlandi stóð uppi sem sigurvegari en hún lél hringina þrjá á 220 höggum (73-75-72) eða á 4 höggum yfir pari.
Kylfingur fylgist vel með okkar efnilegasta fólki.