Ottó Axel og Hrafnhildur klúbbmeistarar GO 2022
Sjöundi klúbbmeistaratitill Hrafnhildar í röð. Annar titill Ottó Axels.
Ottó Axel Bjartmarz og Hrafnhildur Guðjónsdóttir eru klúbbmeistarar GO 2022.
Ottó Axel lék hringina fjóra á 317 höggum (78-79-78-82) eða samtals á 33 höggum yfir pari Urriðavallar, þremur höggum betur en Axel Óli Sigurjónsson. Óskar Bjarni Ingason varð þriðji, einu höggi á eftir Axel Óla.
Hrafnhildur lék hringina fjóra á 337 höggum (88-80-78-91) eða samtals á 53 höggum yfir pari vallarins. Auður Skúladóttir hafnaði í öðru sæti, einu höggi á eftir Hrafnhildi.
Ottó Axel varð með sigrinum klúbbmeistari í annað sinn en hann vann Meistaramót GO einnig árið 2014.
Hrafnhildur varð með sigrinum klúbbmeistari sjöunda árið í röð - geri aðrir betur.
