Morikawa sigraði í Dubai og tryggði sér stigameistaratitilinn
Collin Morikawa lék frábært golf á lokahring DP World Tour Championship og tryggði sér nokkuð öruggan sigur þegar upp var staðið. Morikawa endaði mótið á samtals 17 höggum undir pari eftir 66 högg á lokahringnum.
Morikawa sem einnig tryggði sér sigurinn á stigalistanum og eina milljón dollara í bónus endaði þremur höggum á undan Alexander Bjork og Matt Fitzpatrick.
Rory McIlroy var í ágætum málum og jafn Morikawa þar til á 15. braut þegar hann lenti í því að slá í stöngina og þaðan ofaní glompu. Líklegur fugl varð þannig að skolla og leikur McIlroy gjörsamlega hrundi í kjölfarið. Að lokum endaði McIlroy í 6. sæti fimm höggum á eftir Morikawa.
Some times you can be too accurate...
An awful break for @McIlroyRory on 15.#DPWTC | #RolexSeries pic.twitter.com/nGHdWSrprD
Morikawa var hrærður eftir sigurinn og minntist afa síns sem féll frá fyrr á þessu ári. Frábært tímabil að baki hjá þessum 24 ára kylfingi.