Harrington sigraði á US Senior Open
Fyrsti sigurinn á Champions mótaröðinni kom á risamóti
Írinn, Padraig Harrington, sigraði á US Senior Open, þriðja risamótinu á keppnistímabili Champions mótaraðarinnar.
Harrington hafði góða forystu fyrir lokahringinn en Bandaríkjamaðurinn Steve Stricker setti mikla pressu á hann. Írinn stóðst pressuna og fagnaði sigri.
Padraig Harrington er flestu áhugafólki um golf að góðu kunnur. Hann hefur sigrað á 15 mótum á Evrópumótaröðinni og á sex mótum á PGA mótaröðinni, þar af á þremur risamótum. Hann vann sitt fyrsta mót á Evrópumótaröðinni árið 1996 og hefur hann unnið a.m.k. eitt atvinnumannamót á hverjum áratugi síðan þá.
Harrington lék hringina fjóra á samtals 10 höggum undir pari Warren vallarins í Pensilvaínu. Stricker var skammt undan á 9 höggum undir pari.