Golfið farið af stað á Ólympíuleikunum - Straka efstur eftir fyrsta hring
Golfkeppni Ólympíuleikanna hófst í nótt á hinum sögufræga Kasumigaseki Country Club í Saitama í Japan.
60 keppendur leika á mótinu og er enginn niðurskurður eftir 2 hringi eins og á hefðbundnum mótum.
Á fyrsta hring var það Austurríkismaðurinn Sepp Straka sem lék best allra á 63 höggum eða 8 höggum undir pari. Jazz Janewattananond frá Taílandi kemur næstur höggi á eftir.
Stærstu nöfnin ef svo má segja eru aðeins á eftir og þurfa að gera betur á næstu hringjum ef þau ætla að blanda sér í baráttuna um verðlaun. Sem dæmi má nefna að Rory McIlroy lék á 2 höggum undir pari og Justin Thomas á pari. Það gekk þó aðeins betur hjá Paul Casey sem lék á 4 höggum undir pari og Xander Schauffele og Patrick Reeed léku á 3 höggum undir.
Heimamaðurinn Hideki Matsuyama lék á 2 höggum undir pari en hann á marga sigra að baki á þessum velli.
Keppni í kvennaflokki hefst 4. ágúst.
Óhætt er að segja að keppnisbúningur Cameron Smith sem sjá má hér að neðan hafi vakið athygli.
