Bjarki bestur í Borgarfirði í sjötta sinn
Atvinnukylfingurinn Bjarki Pétursson var kjörinn Íþróttamanneskja Borgarfjarðar 2023 en útnefningin fór fram við hátíðlega athöfn í Hjálmakletti í Borgarnesi á Þrettándanum.
Þetta er í sjötta sinn sem Bjarki hlýtur titilinn en kylfingurinn fékk fyrst þessa nafnbót árið 2008.
Bjarki hefur undanfarin ár verið að berjast í atvinnumennsku. Hann er með takmarkaðan þátttökurétt á Áskorendamótaröðinni, Challenge Tour í Evrópu en hefur keppt þar síðustu ár sem og á Nordic mótaröðinni á Norðurlöndum.
Hann varð Íslandsmeistari árið 2020 þegar mótið var haldið í Mosfellsbæ.
Hann er sem stendur nr. 1673 á heimslista atvinnumanna en hann hækkaði um 232 sætir milli ára.