Spenna, ástríða og gleði á Blush mótinu á Húsavík

Blush Open 2025  hjóna- og paramót í golfi fór fram dagana 18.–19. júlí við frábærar aðstæður á Katlavelli á Húsavík. Spilaðar voru 36 holur  með fyrirkomulaginu betri bolti fyrri daginn og greensome þann síðari. Alls tóku 74 keppendur þátt og má með sanni segja að mótið hafi verið fullt af spennu, ástríðu og gleði – alveg í anda Blush Open.

Í pistli frá mótshöldurum kemur fram að mótið hefi fest sig í sessi sem eitt það skemmtilegasta á sumardagskrá golfáhugamanna.

„Það var ótrúlega ánægjulegt að sjá jákvæða orku  um allan völl, hvatninguna milli para og kraftinn sem fylgir því að vinna að sameiginlegu markmiði. Þó keppnin væri til staðar var það brosið, samveran og gleðin sem einkenndu þessa daga.

Blush Open 2025 sýndi enn á ný hvers vegna golf er íþrótt sem sameinar og veitir óteljandi tækifæri til að skapa góðar minningar.

Verðlaun voru veitt fyrir best klæddu kylfingana sem margir hlutu í hinum ýmsu flokkum  sem dómnefndin valdi. Afhending þeirra verðlauna var hin mesta skemmtun og þökkum við þátttakendum og dómnefnd kærlega fyrir frábæra frammistöðu.“

Svo voru veitt verðlaun fyrir fyrstu 3 sætin því liði sem hlaut flesta punkta eftir 36 holur, og nándarverðlaun á 2/11 og 4/13 braut.

Úrslit:

1. Guðlaug María og Jónas Jónsson Golfklúbbur Akureyrar 92 punktar

2. Harpa Gunnur Aðalbjörnsdóttir og Sigurður Hreinsson GH 85 punktar

3. Hulda Þórey Garðarsdóttir  og Methúslem Hilmarsson GH 83 punktar

Nándarverðlaun

Föstudagurinn 18 júlí 2/11 braut

Óskar Halldórsson  GS   75 cm

Föstudagurinn 18 júlí 4/13 braut

Ríkharður Hrafnkelsson G. Mostra Stykkishólmi  2.78 m

Laugardaginn 19 júlí 2/11 braut

Ástráður Þorgils Sigurðsson 1,61 m

Laugardaginn 19 júlí 4/13 braut.

Sesselja Erla Árnadóttir  1,81 m

Og sigurvegarar búningakeppninnar voru Kristín Huld Þorvaldsdóttir og Óskar Hauksson.