Sparkaði pútternum hátt í loft í bræði sinni á PGA móti
Bandaríski atvinnukylfingurinn Patton Kizziere sýndi glæsilega fótboltatakta á 15. flöt á fyrsta keppnisdegi á Valspar mótinu á PGA mótaröðinni á fimmtudag. Patton lék skapið hlaupa með sig í gönur þegar hann missti stutt pútt.
Kylfingurinn átti 15 metra pútt á flötinni fyrir fugli og aðpúttið endaði um 2 metra frá. Parpúttið fór ekki í holu og þá var eins og rynni æði á kappann og hann sparkaði pútternum hátt í loft upp sem flaug síðan all nokkra metra frá og lenti í flatarkanti.
Patton náði í járnkylfu í pokanum og púttaði fyrir skolla ofan í með henni og gekk síðan þungur á brún á næsta teig. Hann fékk skolla á 16. braut og var þá kominn þrjá yfir par og lét það gott heita. Fór heim og sagðist finna til í baki.
Patton er 39 ára og hefur sigraði þrisvar sinnum á PGA mótaröðinni.
Unreal hang time on this putter punt 👏 pic.twitter.com/WuQvbfr0el
