Rory sýndi styrk sinn í bráðabananum og vann Players
Rory McIlroy sýndi mátt sinn og megin þegar hann tryggði sér sigur á Players mótinu eftir þriggja holu bráðabana við J.J. Spaun í hádeginu í dag en sá síðarnefndi lenti í hremmingum á hinni sögufrægu 17. holu á Sawgrass vellinum í Jacksonville í Flórída.
Rory fékk léttan fugl á fyrstu bráðabanaholunni, hinni 16. sem er par 5. Sló frábært upphafshögg og síðan járn inn á flöt. Spaun náði aðeins pari. Á 17. holunni sló Rory flott högg inn á flöt með 9-járn en sló ekki fullt högg og hélt boltanum þannig í lægra boltaflutgi. Spaun tók 8-járn og vindurinn á móti hafði lítil áhrif á boltann sem flaug vel yfir flötina og í vatnið. Hann lék holuna á þreföldum skolla en Rory sem þrípúttaði fékk skolla og var með þriggja högga forskot þegar þeir komu inn á 18. teig. Þeir slógu báðir til hægri í upphafshögginu en Rory setti boltann í þriðja höggi 4 metra frá holu á meðan Spaun var lengra frá. Léttur bráðabanasigur hjá N-Íranum á St. Patricks-deginum, þjóðhátíðardegi Íra.
Rory hefur unnið tvívegis á nýbyrjuðu ári og segist vera að leika gott golf. Fyrsta risamótið, Masters, er í apríl og það er risatitill sem Rory vill vinna en hann hefur ekki unnið risamót síðan 2014.
Rory fékk um 600 milljónir kr. fyrir sigurinn en Spaun tæplega 400 millj. kr. fyrir annað sætið.
Rory púttar ofan í á 18. flöt og tryggir sér sinn annan Players titil.
☘️ @McIlroyRory gets his third win on St. Patrick's Day! pic.twitter.com/O0V1duO7T7
J.J. sló með 8 járni á 17. teig og flaug boltanum langt yfir flöt í vatnið.
Splash for Spaun on 17 💔 pic.twitter.com/Rdj0eYu6nM
Rory byrjaði með látum á 16. braut.
336 yards down the fairway. On the green in two. Birdie to go up one. pic.twitter.com/0ZR2F7xzV2
