Hulda Clara náði góðum árangri í Flórída
Lék á 1 höggi undir pari á lokahringnum
Hulda Clara Gestsdóttir, lék á 1 höggi undir pari á lokahring NCAA Tallahassee Regional í svæðiskeppni háskólagolfsins í Bandaríkjunum en leikið er á Seminole Legacy vellinum í Tallahassee í Flórída. Hún vann sig upp um 13 sæti milli hringja og hafnaði í 27.-29. sæti á 9 höggum yfir pari.
Okkar kona, sem komst með skólaliði sínu í Denver háskólanum áfram í svæðiskeppnina, fékk fjóra fugla og þrjá skolla á hringnum.
Lokastaðan í einstaklingskeppninni
Hulda Clara, sem er á fyrsta ári í Denver háskóla, lék best allra í sínu liði, sem þrátt fyrir góðan hring okkar konu, féll niður um eitt sæti og hafnaði í 11. sæti í liðakeppninni.
