Aðstoðar fyrirliðinn bestur á lokamótinu fyrir Ryderinn
Svíinn Alex Noren sem nýlega var valinn einn þriggja varafyrirliða Ryderliðs Evrópu, vann sinn annan sigur á DP mótaröðinni á þemur vikum á BMW mótinu á hinum sögufræga Wentworth velli í London. Eftir sigurinn hélt hann beint til liðs við félaga sína í Ryderliðinu á Heathrow flugvellinum en hópurinn flaug í lúxusþotu til New York á sunnudagskvöld.
Noren vann Bedford Masters á Belfry vellinum í Birmingham í Englandi fyrir þremur vikum og hann kann greinilega vel við sig í Englandi en mótið á Wentworth, er það stærsta á DP mótaröðinni. Meðal keppenda voru allir leikmenn Ryderliðs Evrópu 2025 auk margra fleiri. En þetta frábæra form Norens hefði þurft að koma aðeins fyrr, þá hefði hann verið meðal leikmanna í Ryderliðinu, ekki aðstoðarmaður.
Noren er einn af reynsluboltunum á DP mótaröðinni en hefur líka verið með keppnisrétt á PGA mótaröðinni í Bandaríkjunum undanfarin ár. Hann hefur unnið tólf sinnum á DP mótaröðinni (European tour) og einu sinni á Áskorendamótaröðinni. Hann hefur náð ágætum árangri á PGA mótaröðinni og verið nokkrum sinnum meðal efstu kylfinga en ekki náð að sigra. Hann var í Ryderliði Evrópu 2018 en þá vann Evrópa stórsigur í París.
Noren og Frakkinn Adrien Saddier háðu harða baráttu og voru jafnir á 19 undir pari eftir 72 holurnar. Þeir fóru í bráðbana og voru báðir í tveimur höggum um 40 metra frá holu á 18. holunni. Saddier sló innáhöggið aðeins yfir flötina en Noren lagði boltann upp að pinna, hálfan metra frá og vann en hann sigraði einmitt á þessum stað einnig árið 2017.
Noren var frá í rúmlega hálft ár frá keppni, frá október 2024 til maí 2025 en hann hefur síðan komið eins og stromsveipur aftur inn í keppni þeirra bestu.
Hann er 43 ára og gefur ekkert eftir og verður í framlínunni með bestu kylfingum Evrrópu í Ryder keppninni í New York í næstu viku.
Svona var bráðabaninn: Alex Noren 🆚 Adrien Saddier
Every shot of the play-off at Wentworth. #BMWPGA | #RolexSeries pic.twitter.com/8vahMKQHro
Final thoughts from the champ 🏆#BMWPGA | #RolexSeries pic.twitter.com/WyVywAN5zz
Thank you, Alex 🙏#BMWPGA | #RolexSeries pic.twitter.com/2XX7IWKknp
