Tvíburar í fyrsta skipti á meðal 100 efstu á heimslistanum
Tvíburar verða í fyrsta skipti á meðal 100 efstu á heimslistanum í golfi á morgun þegar Nicolaj Hojgaard hittir þar fyrir bróður sinn Rasmus.
Þessir tvítugu tvíburabræður sem gerðust atvinnumenn árið 2019 eiga bjarta framtíð fyrir sér í golfinu og hafa þegar báðir sigrað á DP World Tour mótaröðinni, Nicolaij einu sinni og Rasmus þrisvar sinnum.
Rasmus er sem stendur í 97. sæti listans og Nicolaj í 102. sæti en það er þegar ljóst að hann verður á meðal 100 efstu þegar nýr listi verður birtur á morgun.
Danskir kylfingar hafa gert það mjög gott að undanförnu og gæti farið svo að nokkrir Danir verði í næsta Ryder liði Evrópu ef svo heldur fram sem horfir.