Svona er vikan hjá íslensku atvinnukylfingunum
Það er nóg að gera hjá íslensku atvinnukylfingunum í þessari viku.
Guðrún Brá Björgvinsdóttir leikur á Swiss Ladies Open sem fram fer á Golfpark Holzhausern í Sviss sem er um 5.800 metrar og par 72. Mótið hefst á morgun og lýkur á laugardag.
Guðrún hefur leik klukkan 13.55 að staðartíma á morgun.
Hér má fylgjast með stöðunni í mótinu
Andri Þór Björnsson, Bjarki Pétursson og Guðmundur Ágúst Kristjánsson leika í Þýskalandi á Big Green Egg mótinu. Mótið fer fram á Wittelsbacher Golfclub sem er um 6.800 metrar og par 73.
Strákarnir hefja allir leik eftir hádegi á morgun. Bjarki leikur með Matteo Manassero sem sigraði fjórum sinnum á síðast áratug á Evrópumótaröðinni, fyrst árið 2010 þá aðeins 17 ára.
