Suður Kóreu stúlkur sterkar á heimavelli
Heimastúlkur eru í aðalhlutverki á BMW Ladies Championship mótinu í Busan Suður Kóreu. Af ellefu efstu stúlkum mótsins eru átta frá Suður Kóreu.
Hee Jeong Lim og Na Rin An eru efstar á 11 höggum undir pari eftir tvo hringi. Danielle Kang og In Gee Chun eru jafnar í öðru sæti á 10 höggum undir pari.
Jin Young Ko lék annan hringinn á 64 höggum sem var besta skor dagsins. Hún situr í 5. sæti á 9 höggum undir pari og verður að teljast líkleg til afreka miðað við hvernig hún hefur leikið undanfarið.
Ko lék fyrsta hringinn á 71 höggi og náði því ekki að bæta met Anniku Sörenstam yfir flesta hringi í röð á undir 70 höggum á LPGA mótaröðinni. Þær deila því metinu, 14 hringir í röð á færri höggum en 70.