Morikawa á leið í efsta sæti heimslistans
Collin Morikawa tók málin í sínar hendur á þriðja hring Hero World Challenge mótsins. Hann lék hringinn á 64 höggum og hefur fimm högg í forskot fyrir lokahringinn í kvöld.
Fátt kemur í veg fyrir sigur Morikawa á mótinu en með sigri kemst hann í efsta sæti heimslistans í fyrsta sinn.
Morikawa er samtals á 18 höggum undir pari en Brooks Koepka kemur næstur á 13 undir. Fimm kylfingar eru svo jafnir á 12 höggum undir pari.
Cruising into Sunday in The Bahamas.
(presented by @Rolex) pic.twitter.com/tiIFbSLMvM
Bryson DeChambeau sem leiddi mótið eftir tvo hringi lék á 73 höggum í gær og féll við það niður í níunda sætið.
Það er ekki algeng sjón að sjá Jordan Spieth, Henrik Stenson og Rory McIlroy í þremur neðstu sætunum en mótið er gríðarlega sterkt og aðeins 20 keppendur fengu boð um að keppa á mótinu sem Tiger Woods stendur fyrir.