McIlroy með sinn 20. sigur á PGA mótaröðinni
Rory McIlroy landaði sínum 20. sigri á PGA mótaröðinni þegar hann sigraði á The CJ Cup í Las vegas í gær.
McIlroy lék lokahringinn á 66 höggum og endaði samtals á 25 höggum undir pari. Collin Morikawa lék frábært golf á lokahringnum en endaði að lokum einu höggi á eftir McIlroy eftir að hafa leikið á 62 höggum.
Rickie Fowler og Keith Mitchell enduðu jafnir í 3. sæti á 22 höggum undir pari. Besta mót Fowler í 959 daga.
McIlroy sem hefur ekki leikið sitt besta að undanförnu og átti erfiða tíma í Ryder bikarnum sagði í viðtali eftir mótið að hann hafi áttað sig á því að hann hafi verið að reyna að verða einhver annar en hann sjálfur. Verið í sveiflubreytingum til að reyna að verða betri. Hann hafi eftir Ryder bikarinn tekið ákvörðun um að verða hann sjálfur aftur og ekki reyna að vera einhver annar. Það hafi skilað þessum sigri.
Vonandi fáum við að sjá meira af þessu frá Rory McIlroy.
