Hulda Clara og Ragnhildur jafnar á Ítalíu eftir tvo hringi
Hulda Clara Gestsdóttir og Ragnhildur Kristinsdóttir eru jafnar í 123. sæti á 12 höggum yfir pari eftir 2 hringi á Evrópumóti áhugakvenna á Ítalíu.
Eftir þriðja hring á morgun halda 60 efstu áfram keppni á sunnudaginn. Eins og staðan er núna miðast niðurskurðurinn við 3 högg yfir pari. Það verður því að teljast afar ólíklegt að okkar konur fái að leika á sunnudaginn.