Heimamaðurinn Iwata efstur eftir fyrsta hring í Japan
Hiroshi Iwata lék best allra á fyrsta hring ZOZO Championship á PGA mótaröðinni í Japan. Iwata var á 63 höggum á Narashino Country Club vellinum sem er par 70.
Joaquin Niemann og Hideki Matsuyama eru jafnir í öðru sæti höggi á eftir Iwata.
78 kylfingar taka þátt í mótinu og náðu 28 þeirra að leika undir pari á fyrsta hring.
Ólympíumeistarinn Xander Schauffele lék fyrsta hringinn á pari og sigurvegari Opna mótsins Collin Morikawa lék á höggi yfir pari.