Evian risamótið hófst í dag
Evian Championship fimmta risamótið í kvennagolfinu hófst í Frakklandi í dag.
Eftir fyrsta hring eru tveir kylfingar efstir og jafnir á 6 höggum undir pari þær Yealimi Noh frá Bandaríkjunum og Pajaree Anannarukarn frá Thailandi. Þéttur pakki kylfinga kemur þar skammt á eftir. Þeirra á meðal er Emily Kristine Pedersen frá Danmörku sem fékk örn á síðustu braut dagsins eins og sjá má neðst í fréttinni.
Evian mótið var fyrst leikið árið 1994 þegar Helen Alfredsson frá Svíþjóð sigraði en hún hefur sigrað þrisvar sinnum á mótinu oftast allra kylfinga Á síðasta ári var mótinu aflýst vegna heimsfaraldursins. Síðast þegar mótið var leikið árið 2019 var það Ko Jin-young frá Suður Kóreu sem sigraði.
