Champ sigraði á 3M mótinu
Cameron Champ sigraði í gær á 3M mótinu á PGA mótaröðinni. Mótið fór fram í Blaine Minnesota.
Champ lék samtals á 15 höggum undir pari og endaði 2 höggum á undan Louis Oosthuizen, Jhonattan Vegas og Charl Schwartzel.
Champ bjargaði pari á glæsilegan hátt á síðustu braut dagsins á meðan þrír næstu menn fengu allir fugl á lokaholunni. Louis Oosthuizen var nálægt því að jafna við Champ þegar innáhögg hans á 18. holu kíkti í holu en vildi ekki ofan í.
Þetta var þriðji sigur hins 26 ára gamla kylfings á mótaröðinni.