Boutier sigraði á heimavelli
Heimastúlkan Celine Boutier stóð uppi sem sigurvegari á Lacoste Ladies Open sem kláraðist í Frakklandi fyrr í dag. Hún tryggði sér sigurinn með glæsilegum fugli á síðustu holu.
Samtals lék Boutier hringina þrjá á 11 höggum undir pari og varð einu höggi á undan Kylie Henry frá Skotlandi.
Guðrún Brá Björgvinsdóttir lék á höggi undir pari í dag og samtals á tveimur höggum yfir pari. Það dugði Guðrúnu í 43. sæti mótsins og situr hún nú í 78. sæti stigalista mótaraðarinnar.
