Aron Snær Jólameistari PGA

PGA á Íslandi hélt árlegt jólamót í Golfhöllinni í gærkvöldi. Leikinn var höggleikur án forgjafar á Liberty golfvellinum í Trackman hermum.

Eftir æsispennandi keppni hafði Íslandsmeistarinn Aron Snær Júlíusson nauman sigur á 4 höggum undir pari, sama höggafjölda og Ingi Rúnar Gíslason. Í þriðja sæti var íþróttastjóri GM, Dagur Ebenesersson á þremur höggum undir pari.

Fjöldi aukaverðlauna var veittur fyrir að vera næst holu og fyrir lengstu teighögg.

Nándarverðlaun: 

2. braut: Aron Snær Júlíusson

4. braut: Kjartan Tómas Guðjónsson

11. braut: Grétar Eiríksson

14. braut: Þorlákur Halldórsson

Lengsta teighögg:

6. braut: Aron Snær Júlíusson

8. braut: Birkir Þór Baldursson

10. braut: Margeir Vilhjálmsson

13. braut: Dagur Ebenesersson

Mótið tókst með eindæmum undir styrkri stjórn starfsfólks Golfhallarinnar. 20 þátttakendur léku í 10 golfhermum. PGA Íslandi mun halda 3 mót til viðbótar í vetur með sama fyrirkomulagi. Leikið verður í janúar, febrúar og mars.